Joscka izan behar zuen! Bai, hain zuzen ere txikiena izan da Behe-lainoaren gaztelura joan eta Susko kapeladunegana hurbildu dena. Skater talde beldugarriak hiriaren nagusi izan nahi du, eta elastiko beltzak lapurtuko dizkiete.

Uau! Hautatzaile batek Fabi begiz joko du hirijo areto-futbol txapelketan eta Bayernekin jokatzeko gonbita egingo dio. Fabik eskaintza onartuko du, talde erakargarrriagoa eta hobea iruditzen baitzaio.

Willi entrenatzaileak albiste paregabea dakar Futbolari Basatientzat: taldeak hiriko areto-futboleko txpelketan hartuko du parte.

Rabanek aulkiaren bosgarren anka dela sentitzen du, eta uste du gainerako Bastiek ez dutela taldean eduki nahi.Willik Urtezahar gauean futboleko orakuluari kontsulta egiteko gomendatzen dio.

Deniz Lokomotora bere taldearekin borrokatzen ari da txapelketan Futbolari Basatien aurka. Basatiekin txundituta dago eta haiekin entrenatzera joaten da. Baina Deniz oso ona den arren, Leonek eta Fabik ez dute taldean nahi: turkiarra ez da taldearentzako egokia. Beste Basatiek, ordea, nahi dute Denizek eurekin jokatzea, eta Leon eta Fabi taldetik joatea onartzen dute.

Oporren ondoren Futbolari Basatiek hiru ezusteko izango dituzte. Lehenengoa: beraien entrenatzeko zelaia jada ez da entrenatzeko zelaia izango, benetako estadio bat baizik! Bigarrena: Willi entrenatzaileak foku hipermegamundialak jarri ditu! Eta hirugarrena: Basatiek liga batean jokatuko dute. Guztiak arro-arro daude, noski, eta Juliri izugarri gustatuko litzaioke aitari hori guztia kontatzea. Baina aita ez dago beraiekin, eta Julik ez daki orain non bizi den. Hura bilatzen ari dela Michi Lodikotearekin eta haren lagunekin topo egiten du.

Vanessa futbolzale amorratua da; futboleko arropak soilik janzten ditu eta gizonezkoen selekzio nazionalean jokatuko den lehen emakumea izan nahi du. Bere taldea, neskatoena, ezin du ikusi ere egin, horrekin ez du sekula irabaziko. Aitak mutikoen talde batera eramaten du entrenatzera. Baina horiei ez zaie batere gustatzen taldean neskato bat izatea! Vanessari ez diote baloirik pasatzen eta ematen diotenean hain gogor egiten dute, ezen pasatzea beste aukerarik ez duela izaten. Baina Vanessak bere burua errespetaraziko du: partida oso garrantzitsu batean garaipena lortuko du penalti erabakigarria bikain jaurtita.